Trepça ka regjistruar fitoren e 11-të radhazi në Superligën e Kosovës në basketboll.
Mitrovicasit triumfuan sonte ndaj Vëllaznimit, në ndeshjen e vlefshme për javën e 18-të në elitë, shkruan Gazeta Express.
Ndeshja e zhvilluar sonte në palestrën sportive “Minatori” përfundoi me rezultatin 88:79.
Darnell Edge me 22 pikë ishte më i dalluari te “Xehetarët”. Ai u ndihmua nga Kevin Bracy-Davis me 17 pikë dhe Dardan Kapiti me 16 sosh.
Te gjakovarët u dallua Samuel Sessoms me 21 pikë.
Trepça tani numëron 16 fitore dhe dy humbje në Superligë, duke udhëhequr në tabelë me 34 pikë.
Vëllaznimi, që është i pesti në tabelë me 26 pikë, tani ka bilanc prej tetë fitoreve dhe dhjetë humbjeve. /Lajmi.net/
